Nyob Zoo Veevximdem Os

Nyob zoo Veevximdem os.

Lub sij hawm tam sim no yog npaim ob moo sawv ntxov, tiam sis yuav caws kom xa thaum xya moo. Yom?

Tsis hnov koj teb kuv tsab ntawv thiab kaw suab li ces xav tias koj nplaj kuv lawm. Los yog koj txub txub es tsis xav teb xwb. Tsa tsis tau ib muag pom thiab qhib tsis tau ib ntsej hnov kuv li. Kuv yeej yuav tsis paub yog vim li cas kiag tiag li. Tiam sis qhov kuv paub ces yog tias txawm ntev npaum no lawm los kuv yeej tseem niaj hnub xav txog koj. Kuv tseem hnov koj suab nyob hauv kuv pob ntseg. Tseem pom koj ntsej muag luag li ntxhi hauv kuv hlwb hau. Tseem hlub thiab nco koj heev li hauv kuv siab. 

Paub tias koj yog neeg muaj num thiab tsis khoom los nrog luag ntau ntawv thiab tham lus ces kav liam. Tiam sis hais rau koj paub tias tseem tshuav kuv nyob no muaj sia; muaj kev hlub, kev xav, kev nco, thiab tseem vam kev sib raug zoo nrog koj, kuv mi mavmim. Vim thaum ntawd tsis ntxov paub tias hauv lub neej no, tsuas muaj koj xwb thiaj li yog kuv mi phooj ywg zoo tshaj. Kuv khuv xim koj txoj kev phooj ywg heev li.

Kheev lam koj nyeem kuv tsab ntawv ces koj li mam paub thiab nco tias tseem tshuav kuv muaj sia nyob no. Txawm li cas los nyob ces thov ua zoo mavmim thiab hlub hlub nws tus kheej kom nws muaj kev qab siab thiab kev thaj yeej nawb.

Mus zoo,

YNF