Nyob zoo nawb, tus Mavmim!
Hnub no nws nyob li cas lawm xwb os? Puas tau noj su na? Ntshe nws muaj muaj num ua, nws twb tsis tau noj li yom? Es nws hauj coffee xwb?
Ab, tam tseem! Ua cas kuv pheej ntaus ntaus ntawv tuaj rau nws li ne? Niag ntsej fam tsov tom ntxim ntxub no mas… dhuav dhau lawm… yom?
Kuv mi Mavmim, thov txhob txhawj tias kuv yuav rov niaj hnub ntaus ntawv tuaj nws li qub lawm. Txawm kuv lub siab xav npaum li cas, los kuv yeej paub tias nws tsis xav hnov tsis xav pom ab tsi los ntawm kuv. Kuv cog lus tias yuav tsis niaj hnub ntaus ntawv tuaj lawm. Ib, ces ntshe nws twb muab kuv nplaj lawm ces nws yuav tsis txais tau kuv tsaj ntawv ismias kiag li. Ob, ces ntshe nws yeej tsis quaj ntsej kuv tsab ntawv ismias li vim nws ntxub kuv dhau lawm. Nws twb tso tau kuv pov tseg peb xyoos nyob tau kab siab lug. Nws twb tsis nco tias tseem tshuav tus nyob no niag hnub nco nco nws li. Ua cas pheej lam rov ntaus ntawv tuaj li no?
Es, thov ua siab loj es zam ntxiv… tiam sis tsuas yog kuv nco nco kuv mi Mavmim xwb. Thiab pheej tso tsis tau nws pov tseg li nws tso kuv. Hlub dhau lawm. Niag ruam awb li kuv pab tsis tau. Lawv hu ua dork no.
Tseem muaj ib yam kuv tsis nkag siab mas yog tias vim li cas nws yuav ntxub tau kuv ua luaj li no. Kuv yeej tsis nco tiag tiag li tias kuv ua tau txhaum li cas rau nws lawm txij hmo December 28, 2018 los. Hais qhov tseej xwb xwb nawb. Raws li kuv nco tau, mas nws hu kuv Fevnpuv ob peb zaug hmo 28 ces kuv tseem tsaug zog lawm. Teb tsis tau nws xov hu. Ces nws cia li ntxub thiab ua phem rau kuv hmo ntawv los li lawm.
Txawm yog kuv tsis paub kuv qhov txhaum, los thov pab qhib nws lub siab es pab qhia kuv nkag siab thiab. Kuv yeej paub tias nws twb tso tau kuv pov tseg los lawm ntev. Thov pab kuv paub thiab pab kuv nco, es kuv thiaj li tso tau nws mus raws kiag li nws lub siab nyiam.
Hais tseem mas laj laj nyob hnub dhau hnub siab lwj tag lis no. Tsuas paub nco nws xwb. Lub ncauj hais tsis tau tawm rau luag hnov, tiam sis lub siab quaj puj pliv tas zaj tas zog nco nws txhua lub sij hawm. Tsis zoo ua neeg lawm li. Mov hlwb dhau. Mob siab tsis tag. Kuv mob txaus lawm os. Es nws ne?
Thov pab kuv, es kuv thiaj li tso tau nws tseg. Pab kuv pab nws. Yom? Kuv tsuas xav kom nws mus ua lub neej kaj siab, luag ntxhi, haum xeej xwb. Kuv tsis chim, tsis ntxub, tsis cib nyeej. Tiam sis kuv yeej yuav tu siab heev li. Qhov no ces yuav tsis muaj leej twg pab tau, vim kuv yeej hlub nws kawg siab kawg ntsws tiag tiag li. Tsis yog lam dag. Tsis yog lam smitten xwb. Txawm yuav taug txoj kev twg, los kuv yeej yuav khuv xim MYV tshaj plaws li hauv lub neej no. Xyov puas yuav muaj lub neej tom ntev rov los sib rhiav lawm.
Txawm li cas los thov kom hnub no zoo hnub, es hmo no zoo hmo, rau kuv mi Mavmim thiab nws mi tsev neeg. Nco tsoov noj su thiab noj hmo nawb! Kuv yuav tsis ntaus ntawv tuaj nws ntxim lawm… ib ntus… yog pab tau.
Sau npe,
Meej
Diabeetus & French Fries 